Gjykata Kushtetuese e Kosovës kishte refuzuar dorëheqjen e gjyqtarit Radomir Laban nga rasti i Kuvendit të Kosovës.

Kështu ka njoftur sot vetë Kushtetuesja, në vendimin e plotë të publikuar në faqen e saj zyrtare, raporton Arbresh.info.

Sipas njoftimit  më 7 gusht, gjyqtari Radomir Laban – për të cilin presidentja Vjosa Osmani ka deklaruar se institucionet e sigurisë e konsiderojnë si rrezik për rendin kushtetues të vendit – ka kërkuar përjashtimin e tij nga shqyrtimi i rasteve që lidhen me bllokadën në Kuvend, duke shtuar se kërkesa ishte refuzua njëzëri.

“Më 7 gusht 2025, gjyqtari Radomir Laban kërkoi përjashtimin e tij nga vendimmarrja nga rastet KO193/25 dhe KO196/25 si dhe KO215/25. Të njëjtën ditë, Gjykata njëzëri, refuzoi kërkesën për përjashtim të gjyqtarit Radomir Laban”, thuhet në aktgjykimin e Kushtetueses./Arbresh.info/

LEXO EDHE

Gjykata Kushtetuese: Nga sot brenda 30 ditëve duhet të konstituohet Kuvendi

Gjykata Kushtetuese publikon vendimin e plotë për rastin e Kuvendit të Kosovës